News

एक साताभित्र सार्वजनिक सवारी साधनबारे टुङ्गो लाग्ने

सार्वजनिक सवारीसाधन सुचारु गर्न यातायात व्यवस्था विभागले नयाँ निर्देशिका एकसाताभित्र टुङ्गो लगाउने भएको छ ।

यातायात व्यवसायी तथा मजदुरसँग नयाँ निर्देशिकाका बारेमा छलफल भइरहेको र एकसातामा टुङ्गो लगाइने विभागले जनाएको छ ।

यातायात सञ्चालनका लागि तयारीका काम पनि भइरहेको विभागका महानिर्देशक गोगनबहादुर हमालले जानकारी दिए ।

तर सार्वजनिक यातायात कहिलेदेखि सञ्चालन गर्ने भन्ने कुराको टुङ्गो सरकारले नगर्दा अन्योल रहेको विभागले जनाएको छ ।

सञ्चालन गर्ने वा नगर्ने भन्ने कुराको कुनै जानकारी विभागलाई दिइएको छैन तर बन्दाबन्दी बिस्तारै खुकुलो बनाउँदै गएपछि यातायात पनि सञ्चालन हुन्छ होला भन्ने अनुमानले विभागले काम गरिरहेको छ ।

हालकै अवस्थामा सार्वजनिक यातायात सञ्चालन गर्नुपरे कसरी गर्ने भनेर विभागले नयाँ निर्देशिका तयार गरेको हो तर यातायात व्यवसायीले नयाँ निर्देशिकामा असहमति जनाएपछि छलफल लम्बिएको हो ।

महानिर्देशक हमाल भन्छन्, ‘हामी छलफलमै छौँ, व्यवसायी मजदुरसँग अहिले लिखित रायसुझाव मागेका छौँ, व्यवसायीको पनि आफ्नै समस्या छन्, लामो समय गाडी थन्किँदा आर्थिक भार पर्न गएको छ, बैङ्क किस्ताको समस्या पनि उहाँहरूले देखाउनु भएको छ अब हामी आउने हप्ता टुङ्गोमा पुग्छौँ ।’ सरकारले सार्वजनिक सवारी सञ्चालन गर्ने मिति घोषणा नगरेका कारण विभाग अन्योलमा छ ।

अहिले नीजि सवारी साधानहरु जोर विजोर प्रणालीमा सञ्चालन भैरहेका छन् । उक्त सवारीसाधनहरु काठमाडौं उपत्यकाभित्र रहेका तिन जिल्लामा र अन्य जिल्लामाहरु सोही जिल्लामा मात्र गुड्न पाउने व्यवस्था सरकारले गरेको छ ।

सडकमा जोर बिजोरको पालना भएको छैन । लकडाउन खुकुलो भएसँगै कार्यालयहरु खुल्न थालेपछि काममा जानुपर्नेहरु छन् घरमा एउटा मात्र साधन हुँदा जोर बिजोर लागू गर्न समस्या छ ।

Related Articles

Back to top button
Close