vada
News

पर्वत पहिरो अपडेट: ३ वटा शव भेटियो ९ जना मानिसहरु पुरिएको आशंका

पर्वत जिल्लाका कुश्मा नगरपालिका ३ दुर्लुङमा हावाहुरी सहित भीषण वर्षाका कारण पहिरो जाँदा केहि घर बगाएको र ९ जना मानिसहरु पुरिएको आशंका गरिएको छ ।

कुस्मा नगरपालिका वडा नं ३ का अध्यक्ष तेज प्रसाद पाध्याका अनुसार तुलबहादुर थापा र कमला विकको घर पुरिएको हो भने ३ जनाको शव फेला परेको छ ।

पहिरोमा परी मृत्यु हुनेमा कुश्मा- ३ काफलचौरका ५२ वर्षीय तुल बहादुर थापा, उनकी श्रीमती ५२ वर्षीया मिनकुमार थापा र उनकी नातिनी ८ वर्षीय बिबिसा थापा रहेको प्रहरीले जनाएको छ । थापाको घरमा ६ जना रहेको कुस्मा नगरपालिका वडा नं ३ का अध्यक्ष तेज प्रसाद पाध्याले जानकारी दिए ।

सम्राट थापा, दिर्पा थापा, विवेक थापा, कमला विक,जेनिस विक र प्रमिसा विक र अन्य ३ जना बेपत्ता भएका छन् ।

बेपत्ता हुनेहरुको स्काभेटर प्रयोग गरी खोजि कार्य गरिरहेको जिल्ला प्रहरी कार्यालय पर्वतले जनाएको छ । घटना घटे लगत्तै नेपाल प्रहरी, नेपाली सेना, ससस्त्र प्रहरी र स्थानीय उद्दारमा खटिएका छन् ।

पहिरोले २ घर र ६ गाईबस्तु बगाएको छ भने घटना स्थल नजिकै रहेका अन्य ३ घर परिवार जोखिममा परे पछि अन्यत्र सुरक्षित स्थानमा सारिएको प्रहरीले जनाएको छ ।

जिल्ला प्रहरी कार्यालय पर्वतका प्रमुख डिएसपी बिश्वराज अधिकारीका अनुसार राती २ बजे सम्म खोजी गरिएको र अहिले बिहानै देखि स्थानिय तथा सुरक्षाकर्मीले खोजी जारी राखेका छन ।

राती २ बजे पनि पानी परिरहेको र अध्याँरोका कारण खोजी गर्न कठिन भएको थियो । बिहानै देखि नेपाल प्रहरी, शसस्त्र प्रहरी र नेपाली सेनाको टोलीले घटनास्थलमा उद्दार र खोजीको काम थालेको उनको भनाई छ ।

शनिबार साँझदेखि परेको वर्षाका कारण राति ९: ०५ बजे अचानक पहिरो गएको थियो ।

Related Articles

Back to top button
Close