vada
News

भारतीय सेनाका यिनै जवान हुन् नेपाली चढेको महाकालीको तुइन का ट्ने? नदिमा खसेर जयसिंहको मृत्यु भएपछि भारतीय सेनासँग नेपाली रिसाए

शुक्रबार दार्चुलाको व्यास गाउँपालिका–२ मालघाटमा महाकाली तर्ने क्रममा तुइनबाट खस्दा ३३ वर्षीय जयसिंह धामीको मृत्यु भएको थियो । उक्त घटनामा तुइन का ट्ने भारतीय सेना भन्दै दुई वटा तस्वीर सार्वजनिक भएका छन् । उक्त तस्वीरहरु ट्वीटर प्रयोगकर्ता हरिचन्द्र पाण्डेले आफ्नो ट्वीटरबाट सार्वजनिक गरेका हुन् । उनले ती तस्वीरहरु सार्वजनिक गरेपछि ब्यापक प्रतिक्रिया प्राप्त भएका छन् । सामाजिक सञ्जाल प्रयोगकर्ताहरु भारतीय सेनासँग रिसाएका छन् । तस्वीरमा देखिएका मध्ये एक सैनिकको हातमा तुइन का ट्न प्रयोग गर्न सकिने औजार समेत देखिएको छ । उक्त तस्वीरको स्वतन्त्र ढंगले पुष्टी भने अहिलेसम्म भएको छैन ।

महाकाली तर्ने क्रममा भारतीय सीमा सुरक्षा बल एसएसबीले देखेपछि तुइन का टि दिएको प्रत्यक्षदर्शी बिक्रम रोङकलीले बताएका थिए । जयसिंह तुइनबाट ओर्लिन एक दुई पाइला मात्रै बाँकी रहँदा त्यहाँ पुगेका दुई जना एसएसबीका जवानले तुइन का टि दिएको रोङकलीले बताए ।

धामी तुइन तर्ने बेला प्रत्यक्षदर्शीहरु बिक्रम रोङकली, अनिता धामी र कल्यान सिंह धामी नेपालतिरकै भूभागमा थिए । धामी महाकाली नदीमा वेपत्ता भएसँगै दुबैजना एसएसबीका जवान घट्नास्थलबाट भा गे को प्रत्यक्षदर्शीले बताएका छन् । उक्त घटनापश्चात दार्चुलावासी तथा विभिन्न दलले घटनाको सत्यतथ्य छानविन गर्न माग गरेका छन् ।

धामी बेपत्ता भएको विषयमा जिल्ला प्रशासन कार्यालय दार्चुलाले भारतीय प्रशासनलाई पत्रचार गरेको छ । जिल्ला प्रशासन कार्यालय दार्चुलाले डिएम कार्यालय पिथौरागढ र एसडिएम कार्यालय धारचुलालाई सत्यतथ्य छानबीन गर्न पत्रचार गरेको निमित्त प्रमुख जिल्ला अधिकारी ज्योत्सना भट्ट जोशीले बताइन् । तर त्यसको कुनै जवाफ नआएको उनले जानकारी दिइन् ।

Related Articles

Back to top button