vada
International

रेमडेसिविरः ‘पत्ता लाग्यो’ कोरोनाको औषधि, एक सातामा बिरामी निको भएको दाबी

वासिङ्टन, (एजेन्सी)

इबोला समाप्त पार्न तयार गरिएको औषधि रेमडेसिविर कोरोना भाइरसका बिरामीमा चामत्कारिकरूपमा सकारात्मक प्रभाव पारिरहेको अमेरिकी वैज्ञानिकहरूले बताएका छन् ।

अमेरिकी राष्ट्रपति डोनाल्ड ट्रम्पका सल्लाहकार डा. एन्थनी फाउसीले भने– ‘रेमडेसिविर औषधिले बिरामी ठीक हुने समय स्पष्ट, प्रभावी र सकारात्मक प्रभाव देखाएको आँकडाले बताएको छ ।’

रेमडेसिविर औषधी अमेरिका, युरोप र एसियाका ६८ स्थानमा १ हजार ६३ बिरामीमा परीक्षण गरिएको उनले जानकारी दिए । यस परीक्षणमा रेमडेसिविर औषधीले यो भाइरसलाई रोक्नसक्छ भन्ने देखाएको उनले बताए ।

यसअघि रेमडेसिविर औषधि इबोलाको परीक्षणमा असफल भएको थियो । यद्यपि डब्ल्यूएचओले पनि आफ्नो सीमित अध्ययनपछि उहानमा यो औषधिले बिरामीमा सीमित असर परेको बताएको थियो । उहानबाटै कोरोना भाइरसको पहिलो संक्रमण आएको थियो । यसबीच रेमडेसिविर औषधिमा भएको यो ताजा शोधमा डब्ल्यूएचओका वरिष्ठ अधिकारी माइकल रेयानले कुनै टिप्पणी गर्न अस्वीकार गरेका छन् ।

डाक्टर फाउसीको उक्त घोषणाले पूरै विश्वमा खुसीको लहर फैलिएको छ । उनले यो घोषणा गरिरहँदा कोरोना कहरले विश्वमा २ लाख २८ हजार २ सय ३९ को मृत्यु भइसकेको छ र ३२ लाखभन्दा बढी यस भाइरसबाट संक्रमित भइसकेका छन् । विगत २४ घन्टामा अमेरिकामा मात्रै २ हजार ५ सय २ जनाको मृत्यु भएको छ । कोरोनाको गढ बनेको यस संक्रामक रोगबाट अमेरिकामा मर्नेको संख्या ६० हजार नाघिसकेको छ ।

रेमडेसिविर औषधि इबोला संक्रमणको उपचारमा औषधिका रूपमा विकसित गरिएको थियो तर यसबाट अरू पनि कैयौं प्रकारका भाइरस मर्न सक्छ भन्ने थियो । अमेरिकाको वासिङ्टन राज्यमा कोरोनासँगको युद्ध जित्ने एक महिलाले आफ्नो निजी अनुभव साझा गर्दै रेमडेसिविर औषधिको मद्दतले उनका पति कोरोना संक्रमणबाट ठीक भएकोे बताएकी थिइन् ।

अमेरिकी राष्ट्रपति डोनाल्ड ट्रम्पले घोषणा गर्दै भनेका थिए– ‘रेमडेसिविर एक त्यस्तो औषधि हो जसबाट कोरोना समाप्त पार्न सक्ने सम्भावना देखिएको छ ।’ यसअघि अमेरिकाको सिकागो शहरमा कोरोना भाइरसबाट गम्भीररूपमा बिरामी परेका १ सय २५ जनालाई रेमडेसिविर औषधि दिइएको थियो जसमा १ सय २३ जना ठीक भएका थिए ।

चीनले कोरोना भाइरसविरुद्ध सबैभन्दा उपयोगी मानिएको औषधिमा त्यति बेलै पेटेन्ट गराउने प्रयास गरेको थियो, जब सबैभन्दा पहिला मानवबीचमा यो भाइरस फैलिएको पुष्टि भएको थियो । चीनका राष्ट्रपति सी जिन पिङले जनवरी २० मा यो भाइरस मानवबाट मानवमा फैलिन सक्ने पुष्टि गरेका थिए ।

Related Articles

Back to top button
Close