vada
News

कोरोनाभाइरसले अझै २ वर्ष विनाश मच्चाउने विज्ञको दावी, यी कारणले गर्दा हराउने छैन

काठमाडौं। अमेरिकी शोधकर्ताहरुले एक नयाँ अध्ययनमा कोरोनाभाइरस महामारीको प्रकोप आउँदो १८ महिनादेखि २४ महिनासम्म कायमै रहने अनुमान गरेका छन् । विज्ञहरुले विश्वभरका सरकारलाई यो महामारी बेलाबेलामा फर्किने स्थितिको लागि तयार रहन सचेत बनाएका छन् । अमेरिकाको मिन्नेसोटा युनिभर्सिटीको सेन्टर फर इन्फेक्सियस डिजिज रिसर्च एण्ड पोलिसीको तर्फबाट कोभिड १९ भ्यूप्वाइन्ट नामबाट गरिएको यो अध्ययन यसअघि इन्फ्लुएन्जा महामारीले देखाएको प्याटर्नमा आधारित छ ।

सन् १७००को सुरुवातपछि अहिलेसम्म विश्वमा ८ इन्फ्लुएन्जा महामारी देखिएका थिए । यीमध्ये ४ महामारी १९०० पछि देखिएका थिए । शोधकर्ताहरुका अनुसार सार्स र मर्सको प्रकृतिभन्दा अहिले देखिएको सार्स सीओभी २ को प्रकृति निकै फरक छ । अध्ययनका अनुसार अहिले कोरोनाभाइरसको प्याथोजोन हेरेर यस विषयमा कुनै पूर्वानुमान गर्न सकिँदैन ।

इन्फ्लुएन्जा भाइरस र कोभिड १९ बीच अन्तर हुँदाहुँदै पनि धेरै समानताहरु छन् र यो कुरा वैज्ञानिकहरु पनि मान्छन् । दुवै मुख्य रुपमा श्वास नलीबाट फैलिन्छन्, दुवै भाइरस बिना लक्षण पनि फैलिन्छन्, दुवै लाखौंलाई संक्रमित गर्न र विश्वभर फैलिन सक्षम छन् र दुवै नोभेल भाइरस प्याथोजनहरु हुन् । कोभिड १९ र इन्फ्लुएन्जाको इपिडिमियोलोजी (महामारी विज्ञान)मा अहम समानता र विविधताहरुलाई पहिचान गरेर कोभिड १९ का केही सम्भावत परिदृश्यको अनुमान गर्न सकिने अध्ययनमा उल्लेख छ ।

पछिल्ला महामारीहरुको आधारमा शोधकर्ताहरुले कोरोनाभाइरसका ३ सम्भावित परिदृश्यको अनुमान गरेका छन् । नोभेल कोरोनाभाइरसको इन्क्युबेसन पिरियड इन्फ्लुएन्जाको भन्दा धेरै छ । यसको बेस रिप्रोडक्सन नम्बर पनि इन्फ्लुएन्जाको भन्दा बढी छ । मौसमले पनि पछिल्ला महामारीमा खासै असर गरेको देखिएन । पहिलो परिदृश्य अनुसार शोधकर्ताहरुले २०२० को बसन्त ऋतुमा कोभिड १९ को पहिलो उच्चतम प्रकोपपछि गर्मीमा केही साना साना लहर आउने अनुमान गरेका छन् । यो सिलसिला १ देखि २ वर्षसम्म चल्नेछ । यी लहर स्थानीय फ्याक्टर, भूगोल र रोकथामका लागि अपनाइएका उपायमा निर्भर रहनेछन् ।

दोस्रो परिदृश्यमा २०२० को पतझड वा जाडो लाग्ने बेला दोस्रो र निकै ठूलो लहर आउन सक्छ । त्यसपछि अर्को वर्ष एउटा वा एकभन्दा बढी साना लहर आउने अनुमान छ । यो स्थितिमा पतझडको दौरान रोकथामका प्रभावकारी उपायको आवश्यकता हुन्छ । यस्तै परिदृश्य १९१८–१९, १९५७–५८ र २००९–१० महामारीको पनि थियो ।

तेस्रो परिदृश्यमा २०२०को बसन्तमा कोभिड १९ को पहिलो लहरपछि केसहरु आउन विस्तारै बन्द हुनेछ । शोधकर्ताहरुले इन्फ्लुएन्जामा कुनै लहर प्याटर्न नदेखिएको भए पनि कोभिड १९ को हकमा यस्तो भन्न नसकिने बताएका छन् । उनीहरुले स्वास्थ्य अधिकारीहरुलाई दोस्रो परिदृश्इको लागि तयारी गर्न सुझाव दिएका छन् । यो सबैभन्दा खराब स्थिति हो ।

Related Articles

Back to top button
Close